Epidemya ng kahirapan

“EPIDEMYA NG KAHIRAPAN”
Lovely Manalac

Ang kahirapan ay isa sa mga mabigat na problema ng ating bansa ito ay nag dudulot ng epidemya na lalong kumakalat sa ating lipunan ngayon. Madalas sinisisi natin ang mga namamalakad sa bansa, pero sila ngaba ang may kasalanan o tayong mga Pilipino sabi nga nila “Ang katamaran ay katumbas ng kahirapan” sinasabi ng karamihan kaya daw sila nag hihirap ay sa kadahilanang wala silang trabaho, pero ang totoo maraming trabahong nakalaan ngunit hindi rin natin sila masisisi kung mas gugustuhin pa nilang umupo sa isang tabi at manghingi ng limos kaysa magpakapagod sa napaka bigat na trabaho at kumita ng isang daang piso sa buong maghapon kada araw. Pero sa kadahilanang ito ipinamapakita lang natin na tayo ay tamad at ito ang sanhi ng kahirapan ng karamihan.

Maraming Pilipino ang nag iibang bansa upang maghanap ng ika bubuhay at upang masoportahan ang pangangailangan ng kanilang pamilya tulad ng pagsuporta sa pag-aaral ng anak na naging parte na ng ating kultura. Karamihan dito ay mga kababaihan dala ng labis na kahirapan ay ito ang naging paraan ng mga Pilipino upang makaraos sa pang araw-araw na pamumuhay.

Ang salitang “kapit sa patalim” ay naiuugnay dito dahilan sa paglisan sa sariling bayan at mawalay sa pamilya ay hindi madali para sa isang kulturang kinalakihan na natin.

Corruption ang pag nanakaw ng pera sa kaban ng bayan ng mga tao sa gobyerno. Ito ang pinaka malupit at talamak na dahilan ng kahirapan ng bayan. Ang mga pera na mapupunta dapat sa mga mamayanan upang makatulong sa pag unlad ng mga pamumuhay at maaring gamitin sa pangkabuhayan o pagpapatayo ng mga bahay ng gobyerno para sa mga mamamayang walang matulugang bahay ay napupunta lamang sa bulsa ng mga makapangyarihan sa gobyerno. Ito ay maituturing na “kanser” sa lipunan dahil taon-taon padami na ng padami ang mga naninilbihang nangungurakot sa kaban ng bayan.

Isa rin dahilan kung bakit naghihirap ang bayan dahil narin sa pananakop ng ibang bansa noong mga nakaraang panahon tulad ng Espanya, Hapon at US na nag pahirap sa Pilipinas. Mga dayuhan na nag iwan ng mga mali o masamang impluwensa sa ating kultura at bansa.

Maraming mamamayan ang “isang kayod isang tuka” dahil sa kahirapan ng buhay ngayon dahil ito sa pag kukulang ng Gobyerno. Ang pondo na  para sa pagpapa unlad ng bansa ay ibinubulsa pa ng iilang mga makapangyarihan sa gobyerno.

Marami ring mga bata ang hindi nakapag aaral dahil sa hirap ng buhay kaya halos nag tatrabaho na sila sa murang edad pa lamang upang makatulong sa kanilang mga magulang,maraming mga bata ang nakakalat sa lansangan at sumasabit sa mga sasakyan upang manghingi ng limos na maaaring ikapahamak pa nila at maaaring maging sanhi ng kanilang pag kakasakit. Marami ding mga magulang ang nag papabaya sa kanilang mga anak kaya lalong nahihirapan sa buhay.

Karamihan sa mga kabataan ngayon ay nalululong sa masamang gawain dahil narin sa impluwensya ng pakikipag barkada, tulad ng paninigarilyo, pag inom ng alak, pag dodroga na maaring makasama o maging sanhi ng kanilang maagang pag kamatay.

Ang iba naman ay maagang nag aasawa at nag kakaroon ng anak kaya lalong umihirap ang kanilang buhay at dahil doon maraming mga tao ang nakakagawa ng kasamaan sa lipunan maraming nagnanakaw para sa kanilang pamilya.

Ngayong moderno na ang syensya nagagamot na ang mga malulubhang sakit ng mga tao. Pero ang sakit ng lipunan ang salot sa kahirapan hanggang ngayon at hindi pa nahahanapan ng lunas. Epidemya din kaya nag proposyon nito sa mundo?

Mabilis umunlad ang industriya at teknolohiya pero tatlong bilyon ang walang sapat na trabaho. Inililigtas ang mga hayop sa bingit ng ekstinksyon, pero pinababayaan ang bilyong taong mistulang mga dagang nabubuhay sa mga estero at kalye ng modernong lipunan. Kung kaylan bumilis na ang teknolohiya ngayon pa mas nag hirap ang mga tao sa lipunan.Mataas ang produksyon ng pagkain pero milyon milyon parin ang namamatay sa gutom at nagkakasakit sa malnutrisyon. Malalaki ang mga gusali at ang mga mansion dito sa syudad, pero walang matirhan ang daan daang tao sa mundo.

Progresong lipunan??  Narito raw ang solusyon, ang pag asa para makaahon sa kahirapan ang populasyon sa daigdig ngunit para sa karamihan ito rin ay dahilan ng kahirapan dahil sa pangungurakot ng karamihan .

Ngayon na moderno na ang ating industriya sa mga kamay ng mga manggagawa ang mga makinarya ay instrumento ng pag-unlad.pero sino ang umuunlad? Hindi ang mga nagpapaandar ng makina kundi ang mga may ari ng makina.

Malaki ang pinag unlad ng ating lipunan sa mga nag daang taon, pero wala paring pag babago sa ating paligid, marami paring mga nakakalat na basura, mga maruruming ilog at kapag may bagyo ay nag kakabaha dahil sa pag putol ng mga punong kahoy sa mga kagubatan at kabundukan, mga sasakyan na nakapagdudulot ng polusyon sa ating kapaligiran. Sa kabila ng pag unlad ng industriya grabe parin ang kahirapan ng ating lipunan.

Sa masaganang pag unlad ng teknolohiya hindi paba nadidiskubre ang paraan para mabuahay ang lahat ng masagana at may dignidad, kung ang sanhi nang kahirapan ay isang mikrobyo, baka matagal nang nakaimbento ang gamot sa ganitong epidemya. Pero ito ay hindi sakit na pwedeng silipin sa mikroskopyo o pag-aralan sa laboratoryo ito ay hindi impeksyon o kalamidad na galing sa kalikasan.

Ano ba ang progreso, ang pag asa ng tao? Poaano ba ito umaandar sa kasaysayan ng tao.

Sa gubat nagsimula ang kasaysayan ng tao, halos wala pang saplot sa katawan, normal at pantay-pantay pa ang turingan ng mga tao ang pamumuhay ng tao sa kanilang lipunan noon ay primitibo tulong-tulong, hati-hati sa limitadong produkto. Pero nang matuto ang tao na gumawa at gumamit ng mga instrumento para sa ikabubuhay dito na nagsimulang umangat ang ating katauhan at unti-unti nang nagbago ang pananaw sa buhay. Ngunit ngayon kanya-kanya, nag aagawan sa ibat-ibang mga bagay dahil sa kahirapan ng buhay, maraming gulo, at masyadong indibidwalisado. Siguro dahil ganap nang sosyalisado ang paggawa ng modernong ekonomiya.

Ang mga” kabataan daw ang pag asa ng bayan” ngunit ngayon taliwas na ito sa nakasanayan, dahil sa pag kukulang ng gobyerno maraming kabataan ang hindi na nakakatapos ng pag-aaral at maagang nag kakaroon ng mabibigat na pasanin sa buhay. Maraming nangangailangan ng paaralan sa ibat ibang lugar sa ating bansa ngunit iilan lamang ang may sapat na kagamitan dahil ito sa corruption sa gobyerno.

Ang ating kalikasan ay napaka ganda, ngunit maraming tao ang umaabuso nito at sumisira para lang mapag kakitaan kaya ito din ang sanhi ng pag baha at pag init sa mundo.marami ng pinagbago ang ating likas na yaman noon ang mga gubat ay masagana sa puno at malilinis pa nag mga ilog,ngunit ngayon kalbo na ang mga bundok at kulay putik na ang umaagos na tubis sa mga ilog.

Isa pa sa problema ng lipunan ay nag ating populasyon na nakakaapekto sa ating ekonomiya kaya karamihan sa mga bata ay hindi man lang nakakatapos ng elemmentarya dahil sa walang sapat na pera upang mapag-aaral ng mga anak, kaya pag dating ng araw ay walang mahanap na maayos na trabaho kaya mas lalong lumalala ang kahirapan sa ating lipunan. Kaya maraming tao ang nakakagawa ng mga bagay tulad ng pagnanakaw at pag-aadik upang matakasan ang problemang dulot ng kahiran sa buhay.

Ngunit kung matututo lang mag tiyaga at magsikap ang bawat isa malalabanan o mapupuksa ang kahirapan sa ating lipunan magiging masagana ang bansa, wala ng taong mag hihirap at maguguton dahil wala ng makain at kung magiging maayos ang pag papatakbo sa gobyerno. Sa kabila ng pag hihirap marami paring tao ang masaya basta kasama ang pamilya at nananalig sa panginoon kahit na nahihirapan na sa buhay nakukuha parin nilang ngumiti at mag pasaya ng ibang mga tao, dahil ito nadin ang paraan nila upang malimutan ang kanilang mga problemang nararanasan sa buhay.