I LAB SEX

I LAB SEX…

(marumi ba at masama ito?)

Kate Lungub

            Bilang isang kabataang  tulad ko, lumalaki at nagiging mausisa at pasan ko ang malaki at mabigat na tandang pananong sa aking isipan.kaakibat ko lagi ang salitang “bakit?”sa aking isipan at nagtanong sa kawalan. Hanggang ngayon iilan pa lamang ang may kasagutan. Kung baga sa sandaang pursyento sampo palang ang nabigyan ng kasagutan at naging malinaw sa aking isipan. Sa patuloy kong pagsisiyasat ang ilan dito’y aking natuklasan.Ano nga ba ang naglalaro sa inyong isipan kung nababanggit ang salitang “SEX”?

            Masama ba ito o sadyang mkarumi an gating kaisipan.? Sa labing isa kong pamamalagi sa paaralan hindi matapos- tapos na talakayan ang “ Reproduction”. Nakasaad sa aralin na ito na nakakapagparami ang tao sa pamamagitan ng unyong sekswal at hindi angkop na maging kapareha ng tao ang alin man sa mgga hoyop. Kahit na nakalahad duon na parehong nasa “Kingdom Animalia” ni minsan hindi pwedeng magtalik ang aso at pusa, tao at baka, balibaliktarin mo man ang pang-yayari hindi sila maaaring makabuo . Kaya nga nilikha ng Diyos si Eba para makapareho ni Adan. Dahil kinakailangan ng parehong uri  para sa unyong sekswal.

 Sa mga Victorian ayon sa kanilang katuruan ang pakikipagtalik sa kanila ay marumi at makasalanan. Ito nama’y batay sa kanilang paniniwalang ang kabanalan ay possible lamang kung ang hilig ng katawan ay Hindi pagbibigyan. May kakilala ba kayong mala Victorian ang pananaw sa buhay?. At kahit sa ngayo’y laganap parin an gang tinatawag na “Asetisismo” o ang pagpapakasakit at pagtangging bigyang- kasiyahan ang sarili. Marami rin ang naniniwalang sa celibacy at ayon sa ganitong paniniwala ang tanging paraan ng pagsisilbi sa Diyos ay nasa hindi pag-aasawa. Ngunit malinaw naman na itinuturo sa Bibliya na ang katawan ay hindi masama at perpektong dinesenyo ito ng maylikha. Na bawat parte nito ay may kanya-kanyang gawain  at gamit.  Kaya kahit kelan hindi nagging masama, Sapagkat maging ang ating manunubos na si Hesu- Christo ay nagkatawang tao din. Itinuturo di maging sa Bibliya na normal para sa Obispo ang pag- aasawa.  At  kahit nga si Apostol Pablo ay may asawa.

Kung gayo’y susundin ba natin ang pilosopiya ng Play boy? Ang pilosopiya ng playboy ay kabaliktaran lamang ng pag-iisip ng Victorian. Ayon sa playboy “para ano pa  tayong may mga hilig sa katawan kung hindi rin lamang mapagbibigyan’’. Natural lang dawn a pag- bigyan ang hilig. Ang katapatan ng pag- ibig ay walang halaga at pwedeng magtalik ang sinumang may gusto. Ang tawag ditto ay “free love”  daw o malayang pag- ibig, pero sa katunayan , ang ibig sabihin nila ay free sex o libreng pagtatalik. Sabi pa kung gusto mong lumigaya sa pamamagitan ng pakikipagtalik, pwes, magpakaligaya ka!  Pero malinaw na ito’y isang ilusyon lamang at isang paniniwalang walang batayan.  Ang plano ng Diyos sa atin ay ang masiyahan sa sex pero sa paraang sumusunod sa kanyang patakaran. Ang pakikipagtalik ay gagawin lamang ng mag-asawang may pagmamahal sa isa’t- isa.

Kung ang Victorian ay nagtataguyod  ng sexless love, ang  Playboy naman ay para sa loveless sex.  Datapwat  itinuturo naman sa Bibliya na ang pag- ibig at pagtatalik ay hindi pinaghihiwalay. Kung ang Victorian ay nagkamali  sa pagiging “banal” pero malungkot naman, natuklasan naman ng mga Playboy na walang tunay na kaligayahan sa pagbibigay- layaw sa katawan. Ayon sa banal na kasulatan, ang tunay na kaligayahan ay nasa kabanalan, at ang kabanalan ay nasa pagtupad sa mag pag- uutos ng Diyos.

Walang masama kung ipahayag mo man ang iyong pag-nanasang sekswal subalit sa iyong asawa lamang. At kung hindi ka pa handing mag- asawa, maghintay ka. Kung tatanggi ka ngayon at mananatiling malinis, higit mong ikagagalak ang katugunan ng Diyos para sa iyo. Hindi totoo iyong sinasabi ng iba na ang paghihintay ay masama sa kalusugan.  Ang tunay na katangian ng isang tao ay nakikita  kapag siya ay tumatanggi kung kailangan. Kahit si Freud ay umamin na “ ang sibilisasyon ay bunga ng pagsasakripisyo at pagtanggi sa layaw na udyok ng laman—kabilang na ang simbuyong sekswal sa pinakaimportante. Ang lakas ng layuning sekswal ay nababaling sa ibang mga layunin higit na mapapakinabangan ng lipunan.”

Noong nakaraang taon naging matagumpay ang pelikula na pinagbibidahan nina Anne Curtis, Derek Ramsy at Cristine Reyes na pinamagatang “No other woman”. Sa palagay ninyo bakit kaya bakit kaya nagging matagumpay ito? Ang aking kuro-kuro tungkol dito ay dahil sa kapanahunan natin ngayon mabibilang nalang ang penikulang hindi nakakarumi ng konsensiya. Dahil sobra na ang pelikulang kinasasangkapan ang sex para pilahan ng takilya. Kaya kalimitan maraming Cristiyano ang hindi na lamang nanonood ng sine. Ang mahalaga’y ang mapanatiling malinis ang konsensiya ng bawa’t Cristiyano.

 Subalit katuwiran ng iba educational naman daw ang mga ito sapagkat may napupulot silang kaalaman. Para sa akin ay hindi, dahil ang kahulugan ng edukasyon ay paghubog sa mga tao sa pamamagitan ng pagtuturo sa kanila ng “mapapakinabangang kaalaman”. Unang una, karamihan sa mga impormasyong nakukuha natin sa sine tungkol sa sex ay hindi iyon kailangan ng kabataan. Pangalawa marami sa sinabing facts daw ay maituturo naman sa isang paraang hindi katukso-tukso. At ang pangatlo halos lagi na lang ipinapakita ang kawalan na kaugnayan ng pag-ibig at katapatan sa sex sa mga pelikula.Ang sex education ay dapat simulan sa tahanan kung saan maituturing ang sex ay kaloob ng Diyos at ang tunay na kasiyahan mula rito ay malulubos kung susundin lamang ang mga tagubilin ng Diyos. Ito ay kailangan ding ituro sa simbahan. Ang mga ministrog Cristiyano ay dapat matutong magbigay ng mga payo sa mga kabataan tungkol sa mga bagay na ito.

Sinasabi ng nakakatanda sa atin na ang kabataan daw ngayon ay masyado ng aggresibo.Sa edad na sampu ay may girlfriend\boyfriend na sila.  Na dapat  napakalayo pa para sa kanila ito. Maaaring pwede na kung totohanan mo nang iniisip ang pag-aasawa. Epekto nito sa paglipas ng panahon pabata ng pabata ang nabubuntis dahil din sa maaga silang pumasok sa sitwasyon na hindi napag-isipang mabuti o di kayay padalos- dalos na pagdedesisyon at kalimitan nagrerebelde kung pinapayuhan ng magulang. Kung mapapansin natin na ang mga maagang naexpose sa panonood ng pelikula tungkol sa pag-ibig, na kadalasang naipapalabas duon ang mga bagay na may kaugnayan sa pakikipagtalik tulad nalamang ng halikan. Nagiging bukas ang isipan ng mga kabataan at nagiging pala-isipan na masaya exciting ito para sa kanila at kinakailangan din nila itong maexperience ang ganitong mga pangyayari lalo na at hindi naman nalalayo sa kanlang edad ang gumaganap sa  nasabing penikulan.. Mga kabataan kasi mahilig maki- uso at mangyopya na hindi pinag-iisipan at nakakalimutang kumunsulta sa kanilang mga magulang.

Palibhasa ang kabataan ngayon ay uhaw sa mga bago at  hindi pa nasusubukan. Kaya nga dapat magging maingat ang mga magulang, na hindi dapat kasama ang supling sa panonood nila ng mga pelikulang, lalo nat itoy hindi angkop para sa mga bata. Kaya nga kung mapapansin natin ngayon bago mag simula ang isang pelikula o teleserye pinapaalalahanan ng MTRCB ang mga magulang  na sa panonood ay may patnubay at gabay ng mga ito ay kailangan (PG). At kapag itoy may kaugnayan sa pakikipagtalik (SPG) o striktong patnubay at gabay ng magulang. Hindi dapat pinapayagan ang batang manood lalo na kung puno ng kalaswaan ang papanoorin.

Ang maririnig mo ngayon s mga kabataang makikitid ang utak na kailangan daw muna ng karanasan sa sex bago ang pag- aasawa. Palusot lang ba ito, na ang totoo ay hindi nila nagawang pigilan ang udyok ng laman. Hindi nila alam na mas triple ang exciting ang mararamdaman na mararanasan kung pagkatapos lang ng kasal dapat makipagtalik at hindi lang yun magiging kalugod-lugod ito sa paningin ng iba lalong-lalo na ang Panginoong Diyos. At wala silang batayan mula sa siyensya ang nagsasabing higit na mabutig katalik iyong marami ng karanasan sa sex bago pa man mag- asawa. Mas malamang na ang mga taong na ang nagkaroon ng pagmamalabis sa sex             sa kanilang nakaraan ay inuusig ng kanilang konsensiya kaya lalong magiging mahirap ang wastong pakikipag-ugnayang sekswal sa kanilang asawa. Pag- aralan muna natin ang theorya bago dumating ang araw ng kasal, at gamitin natin ang ating natutunan pagkatapos tayong makasal sa isang kaparehong pinili ng Dios para sa iyo. Kaya nga hwag kang mag- hanap hintayin mong ang ang Dios ang mag dikta kung kaylan ka dapat dumating sa puntong iyon. Ang kailangan mo lang mag-hinatay.  

  

Ang sa akin lang naman ang hindi tamang paggamit at kalabisan sa pakikipagtalik, ay maaaring magdulot na ikakasama ng iyong kalusugan. Tulad lang yan ng gamot na kung masobrahan ay nagdudulot ng pagka overdose na masama sa katawan ng tao at nagdudulot ng kamatayan. Kung nakikipagtalik ka sa kung sino- sino , ang pinakamasaklap na maaari mong kahihinatnan ay kamatayan. Sa paraang ng pagkakaroon mo ng mga sakit.  Ang akin lang naman ay dapat na gamitin natin sa tamang paraan ang pakikipagsex. Masasabi mo pa bang nageenjoy ka kung kirot at hapdi na ang iyong tinatamasa. Kaya hinay hinay lang po tayo hah,… At usong uso ngayon ang cybersex oh! wag kanang magmaang maangan siguradong binging bingi ka sa kakarinig niyan alam ko, yun lang ay kung nanoonood ka ng balita o nagbabasa ka ng pahayagan. Sa dami na ng nahuli pwede ba wag mo ng dagdagan.At nga pala kung nanonood ka nga ng balita parami na ng parami ang mga rape victims at hindi lang yon pabata ng pabata ang nagagahasa,.  Ganyan ba ang tamang paggamit sa Sex. Kung ang mga bagay na nabibili pagkain man yan o gamot makikita mo lagi may instruction how to eat, cook and how to use it properly. Ganun din naman ang sex. May mga bagay bagay na dapat mong isaalang alang bago ka gagawa ng hakbang. Kaya nagiging marumi at masama ang sex dahil  sa kaparaanan ng tao. Kung ang tao ay hindi abusado, kung ang tao ay nagiisip at higit sa lahat, kung ang tao ay marunung gumamit sa kaloob ng Diyos tiyak kong wala ng issue pang lalabas kaugnay sa sex. At lahat tayo’y magsasabing I LAB SEX….(jan ka nabuo eh)