Mga dahilan ng pag-aasawa

MGA DAHILAN NG PAG-AASAWA
Almira T. Patigdas            

Sa mundong ito walang tao ang walang kasama sa kani-kanilang buhay. Lahat ng tao ay naghahangad na magkaroon ng matatawag na pamilya at asawa. Hindi matatawag na pamilya ang mag-asawa lang at walang kasamang mga anak. Matatawag lang itong isang pamilya kung sa isang bahay ay may mga anak at magulang. Lahat ng tao naghahangad ng ganitong buhay. May ibang tao na mas ginusto pa nila ang mag-isa sa buhay, at walang asawa at anak dahil walang gastusin sa buhay at walang kailangang alalahanin. Pero kung mag-isa ka lang sa buhay mo, tingin mo ba magiging masaya kaba? May tutulong ba sayo at mag-aalaga sa pagtanda mo? Sa tingin mo may ibang tao ba na tutulong sayo kung may mangyaring  masama sayo? May ibang tao din na ang hinahangad ang magkaroon ng pamilya at mga anak na mag-aalaga sa kanila sa pagtanda. At gusto din nila magkaroon ng asawa para may mapagtuunan ng pansin at mapag-abalahan sa araw-araw. Ang iba naman na ang ginusto na magkakaroon ng asawa at anak. Isa itong biyaya na binigay ng Diyos ang pagkakaroon ng anak, para may makasama sa buhay hanggang sa pagtanda. Ang isang tao ay naghahangad ng magandang buhay at masayang pamilya. Lahat gagawin para sa kanilang pamilya, ibibigay lahat ang makakaya para mailagay sa maayos na pamumuhay ang pamilya. Sa una palang, inaasam-asam na nang isang tao ang pagkakaroon ng asawa, para may mabalingan ng ibang pagtingin sa buhay. Ang pagkakaroon ng pamilya sa buhay ay isang napakabuluhan sa sarili.

            Alam naman natin na sa mundong ating ginagalawan ngayon ay halos konti na lang na kabataan ng matino. Sa panahon ngayon, sa edad na 15 ang kabataan ay nagiging Ina na. Ang mga kabataan ngayon ay nagmamadali sa pag-aasawa. Madaming kabataan ang nagka-ganyan dahil sa napariwara sila sa kanilang mga buhay. May iba naman ay galing sa wasak na pamilya kaya walang magulang na nag-aasikaso at wala na silang mapupuntahan na karamay. Wala silang mapagsabihan sa kanilang problema kaya ninais na nilang mag-asawa na lang para may makasama sa buhay. Mayroon ding tao na hindi na gusto ang pag-aasawa dahil sa pagbibigay nitong abala sa kanilang buhay. Gusto nilang mag-isa sa buhay at walang alalahanin. Ang pag-iisa sa buhay daw kasi ay napakasayang buhay dahil nagagawa mo na lahat ng gusto mo at mabibili mo ng kailangan mo sa buhay. Wala kang pag-lalaanan ng oras kundi sarili mo lang alalahanin mo at kung may gusto kang puntahan walang pipigil sayo.

            May naka-usap akong isang tao tungkol sa tanong na “bakit nag-aasawa ang tao?” At ano ang tunay na dahilan kung bakit nag-aasawa ang isang tao? At ang pahayag niya ay “ang pag-aasawa ay isang napakasayang karanasan sa buhay ng isang tao.Dahil dito mo makikita at masubok ang kakayahan ng isang tao. Kung paano niya dadalhin ang kanyang pamilya sa pagharap ng mga problema at mapangalagaan ng maayos. Dito mo mararanasan ang lahat ng sakit at kasiyahan na mangyayari sa iyong buhay. Ang pag-aasawa kasi ay nagbibigay ng pagsubok sa buhay, dahil dito mo mararanasan ang hirap at pait na mangyayari sa buhay mo. Matututunan mo kung paano magpalaki ng mga anak ng maayos, paano mo maalagaan at maibigay ang pagmamahal na hinahangad nila. Kasama mo sa buhay ang iyong mga anak at asawa sa hirap man o ginhawa. Ang mag-asawa ay nagtutulungan at nagmamahalan lalo na kung magkakaroon na sila ng anak. Dahil mas lalo nilang patatatagin ang kanilang samahan. Magpupursege ang mag-asawa para maibigay ang pangangailangan ng kanilang mga anak. Ang mga anak ang siyang nag-aalaga sa magulang pag ito ay tumanda na.

            Nang maka-usap ko din ang isa sa kaibigan ng tita ko tungkol sap ag-aasawa, para sa kanyaang pag-aasawa ay para mag-gabay sa kanya at nagmamahal sa kanya. Sabi niya na ang pag-aasawa ay ang daan para maging makulay ang buhay at mabigyan siya ng importansya. Sa pag-aasawa kasi makikita mo ang taong nagmamahal sayo at nagbibigay ng halaga sa buhay mo. Katulad sap ag-aasawa ko, nakita ko ang taong tunay na nagmamahal sa akin. Naranasan kung maging espesyal sa buhay ng ibang tao. Nasabihan akong mahalaga ako sa buhay niya at hindi papayag na wala ako sa buhay niya. Ang sarap sa pakiramdam pag may nagsabi sayo na isang tao sayo. Dito ko nakita ang pagbibigay importansya sa isang tao. Sa buhay na aking nakalakihan, hindi ko naranasan ang pagmamahal ng pamilya. Hindi ko man lang naramdaman na naging mahalaga ako sa buhay nila at naging parte ng aming pamilya. Kaya naisipan kung mag-asawa nalang nagbaka-sakali ako nab aka maramdaman ko sa ibang tao ang pagmamahal. Kaya sa pag-aasawa naranasan kung maging espesyal sa buhay ng isang tao. Nakadama ako ng pagmamahal na galling sa ibang tao. Para sa akin ang dahilan kung bakit nag-aasawa ang tao para maranasan ang pagmamahal na hindi mo naramdaman sa iyong pamilya at pagiging espesyal  na tao.

            Sa tingin mo lang sa pahayag na ito kung bakit nag-aasawa na ang tao, maiisip mo na agad ang sagot. Natural lang sa buhay ng tao ang pag-aasawa. Madali lang sabihin na wala namang tao sa mundo ang hindi hinangad ang pagkakaroon ng asawa. May ibang tao kasi na hinahangad nila mag-asawa dahil gusto nilang magkaroon ng anak. At para din hindi na sila pipigilan ng kanilang magulang para makipag-kita sa mga jowa nila, kaya pinasya nila na mag-asawa nalang. Nangyari ang mga ganyan sa mga kabataan ngayon. Sa panahon ngayon ang mga kabataan ang nagpalaki ng populasyon sa bansa. Dahilan lang sa kanilang gusto na mag-asawa mg maaga para wala ng magawa ang kanilang mga magulang kung saan man sila pupunta. Kung susuriin natin ang galaw ng ating populasyon ngayon, ang kabataan ang may pinakamataas na bahagdan sap ag-aasawa ng maaga. Madalas sabihin ng mga kabataan na dahil sa kanilang mga magulang kung bakit nagawa nilang mag-asawa ng maaga. Hindi sila makagawa ng gusto nilang gawin at maka-punta sa gusto nilang puntahan. May isa akong kaibigan na ganyan ang nangyari sa buhay niya. Nag-asawa siya ng maaga at nabuntis ng maaga dahil sa mga ginagawa ng kaniyang mga magulang sa buhay niya. Sa gulang na 18 nabuntis siya dahil sa kaniyang magulang na kahit sa labas lang ng kanilang bahay ay nagagalit, Wala naman siyang ginagawang masama at nakipagkuwentuhan lang siya sa kanyang mga kaibigan na mga babae. Kahit galling sa paaralan, pag naka-uwi ng wala sa oras yung nanay niya ay hindi na matigil sa kadadaldal. Noong nasa 15 palang siya  ganyan na ang kanyang mga magulang. Kahit may gawain sa paaralan, hindi siya pinapayagan baka kasi daw san siya magpu-punta. Kaya nung 18 na siya nagpasya siyang mag-asawa na. Hindi na niya kinaya ang ugali ng kaniyang mga magulang. Ang kaniyang magulang ay walang nagawa sa desisyon niya na mag-asawa na. Sabi niya sa magulang niya na kahit hindi madali ang pag-aasawa ay dito na niya nakita ang pagmamahal at naging Malaya siya. Dito din niya nagawa ang lahat ng gusting gawin niya.

            Iba-iba ang dahilan ng bawat tao kung bakit sila nag-aasawa. May iba dahil sa kanilang mga magulang na mahigpit at ang iba ay naghahanap ng pagmamahal at magbibigay ng halaga sa buhay nila. Hindi madali ang pag-aasawa, dahil hindi lang sarili moa ng iisipin. Matuto ka ding magmahal ng ibang tao at magpapahalaga sa buhay ng kapwa tao. Dito mo rin mararanasan ang kasiyahan at kalungkutan sa buhay ng mag-asawa. Mali man o tama ang pasya mo, ang pag-aasawa ang pinakamaka-buluhan na mangyari sa buhay ng isang tao. Bilang isang tao sa mundo, pinapangarap natin ang mag-asawa at may makasama sa buhay, na pwedi mong mapagsabihan ng iyong problema at kung kailangan mo ng karamay sa buhay hanggang sa pagtanda mo. Yung mamahalin ka hanggang sa pumuti man ang buhok mo at mag-aalaga sa iyo sa hirap at ginhawa sa buhay. Ang pagkakaroon ng magandang pamumuhay kasama ang pamilya.