Isa Ka Rin Ba Sa Kanila?

                        

Isa Ka Rin Ba Sa Kanila?

Emerlito De Guzman

Negro! Chaka! Bobo! Pandak! Bakla! Tomboy! Baboy! Kapre! ; san ka nag-aaral ? Ano trabaho mo? May Business ba kayo? Eh kompanya? May wifi ba sa bahay niyo? Saang kilalang bansa ka na nakapunta? Anong brand ng cellphone mo ? ….

                        Ilan lang yan sa mga nakakainsultong mga salita at tanong na ayaw marinig ng ibang tao. Masakit at nakakapanghina ng loob daw kasi !.. Ikaw? Nakaranas ka na ba ng panghuhusga? O baka naman ikaw ang nanghuhusga ? natanong ka na rin ba ng mga nakakainsultong mga tanong? Anong pakiramdam? masakit ba ? sino-sino ba sila ? Madami ba sila ? Isa ka rin ba sa kanila? hayaan mo ! hindi ka nag iisa, dahil andito ak, ISA RIN AKONG SUSPEK at BIKTIMA.

                        Marahil nagtataka ka ka kung anong pinagsasabi ko. Huwag kang mag-alala ,hindi ako baliw na manunulat. Isa lang akong manunulat na nabaliw sa mga panlalait na aking naranasan. Alam ko sa simula pa lang ay nakuha mo na ang mensaheng gusto kong ipahatid. Siguro nga isa ka rin sa amin, nasaktan, umiyak , o di kaya nama’y nainis sa sarili dahil sa kahihiyan. TAMA! hindi talaga ako nag-iisa! Madami TAYO! Alam ko nakaranas ka na nang ganito at siguradong mararanasan mo pa ito kaya halika, samahan mo ako sa paglalakbay sa mundo ng puno ng “DISKRIMINASYON”.

                        Sa lahat ng bagay may diskriminasyon, sa babae at lalaki, sa matanda at bata, sa sexy at mataba, sa mahirap at mayaman,  sa pangit at maganda, sa matalino at bobo, o sa maputi at maitim. LAHAT NGA DI BA ??

                        Marahil, hindi mo alam kung ano ang aking tunay na estado ng aking buhay. Sa totoo lang , ayokong makipagplastik sa iyo, gusto kong magpakatotoo sa lahat ng tao. Ang sakit kayang mabansagang “BAKLA, SHOKLA, BEKI, PUGITA, LAMPA, SKELETON, KABAYO, NEGRO, GANDA ! ay ? pasensya na ! nadala lang .. yung huli totoo yun .. Peksman !! sabi nga nila, “Sanayan lang yan”. Halos  araw-araw ko kayang nararanasan ang panlalait at panghuhusga ng mga tao, kadalasan nga manggagaling pa sa mga malalapit sa akin, sa pamilya, kaibigan, at pinakamasakit ay sa dati kong jowa! OO ! nagkaroon ako ng jowa ! Huwag kang tumawa, nakakasakit ka ka hah ! J oh ano ? itutuloy ko pa ba ? J OO sa jowa ko, hindi ko alam kung jowa ba talaga ang tingin nya sa akin o tutor lang nya. Ikaw ba naman kasi gumawa ng mga nakakanosebleed na assignments at projects niya. Hindi ko na lang sya papangalanan ngunit mahal ko talaga si “FREDERICK” nung mga araw na yun! Pasensya ulet,nadala lang.. Minsan binabalewala nya lang ako kapag kasama naming dalawa ang mga tropa niya, at isang araw nalaman ko na lang sa kaibigan niya na nanliligaw din sa akin na ginagamit lang ako ni Frederick at pag nakatalikod ako ay kung ano-anong masasakit na salita ang sinasabi niya sa mga kaibigan niya  tungkol sa akin. Kaya yun, hindi rin nagtagal ay nakipaghiwalay ako sa kaniya . Huwag mo ng isipin yung kaibigan nyang naliligaw sa akin, hindi rin kasi sila nagkakalayo ng ugali ni Frederick. Oo, nagpakatanga ako ! hindi lang isang beses kundi maraming beses! Pero, huwag kang mag-alala natuto na ako ! Bakla man ako, alam ko naman sa sarili kong matino at may maipagmamalaki ako.

                        Teka, teka, teka ! medyo napapalayo na ata tayo ,  pasensya na , masakit kasing maging “iba” sa “iba” ! pero ngayon alam mo na !

                        Tulad nga ng sabi ko, sa lahat ng bagay sa mundo ay may diskriminasyon, isa na diyan ang pangpisikal na anyo ng isang tao. Simula’t  sapul ang unang titignan ng ibang tao sayo ay ang pisikal mong anyo. Kapag ang babae kaharap ay gwapong lalaki ang tawag ng mga babae sa mga lalaki “SOULMATE”,pero  kapag panget na lalaki  ang kaharap ng mga babae ang tawag ng mga babae  sa mga lalaki “STALKER” at kung minsan nama’y mapaghihinalaang “SNATCHER”. Kung mapapansin nyo sa paghahanap ng trabaho, mas pinipili ang mga maganda at gwapo o kaya nama’y mga sexy at bata pa. Ano naman kaya ang mangyayari sa mga hindi napili?  Iiyak ? Maghihiganti ? Magpapakamatay? .. nakakaloka ! hindi ko yan kakayanin. Hay masyado talagang malupit ang mundo at sana hindi ka isa sa kanila.

                        Kung sa relihiyon naman ang pag-uusapan, may mas maganda akong halimbawa diyan. Bakit kapag ang isang muslim ay nakagawa ng masama ang tag ng headline sa mga dyaryo, radyo, at sa telebisyon ay “MUSLIM NAKAPATAY”, “MUSLIM NAGNAKAW”, nahuli sa ganito, ganyan.. etc.. etc .. pero bakit kapag ang ibang relihiyon ang gumawa hindi nila masabing; INC nakapatay, Protestante nanghalay,  Kristiyano nandukot. Napakaunfair di ba?  Nasasabi ng ibang tao ang salitang muslim dahil hindi nila alam ang ibig sabihin nito. Kung alam nila na ang ibig sabihin ng salitang Muslim ay naniniwala kay Allaj o “Believer” sa ingles ay hindi nila gagamitin ang salitang muslim. Sabi nga nila alamin muna ang katotohanan bago manghusga , at huwag kang manghuhusga kung hindi mo pa alam ang katotohanan. Kaya sa pangalawang pagkakataon , tatanungin ulit kita, Isa ka rin ba sa kanila ?

                        Marahil sa mga sandaling ito ay nauunawaan mo na ang ibig sabihin ng  salitang diskriminasyon. Bakit ba ganito ang buhay ? mas pinipili ang nakalalamang… kahit pa alam nilang nakakasakit na . WALANG PANGGALANG at PAGMAMALASAKIT sa kanyang kapwa! MAPANGHUSGA! MAKASARILI ! sarili lang nila ang kanilang iniisip basta’t sumaya sila Ok na! ni hindi nila inisip na may nasaktan na sila sa kanilang kasikiman, at sana hindi ka isa sa kanila. SANA !!

                        Paniguradong naranasan mo na ang mahusgahan. Eh ang manghusga? Naranasan mo na rin ba ?. Oo, walang taong perpekto, minsan ay nakakasabi tayo ng mga masasakit na salita tungkol sa ating kapwa. Simula nung araw na natuto akong maging malakas laban sa mga panlalait na aking naranasan ay biglang bumaliktad ang aking mundo. Kung dati ako ang hinuhusgahan , ngayon ako na ang nanghuhusga. Pinilit kung pigilan ang panghuhusga sa aking kapwa, ngunit patuloy paring lumalabas ang mga salitang hindi kaaya-aya pakinggan patungkol sa aking kapwa. Ilang beses ko ng tinanong ang aking sarili, “Masama ba ako?,  Tama ba itong ginagawa ko?, Nakakasakit na ba ako sa kapwa ko ? o baka naman ayaw ko na talagang maulit ang mga panlalait na aking naranasan. Hindi ko alam kung paano ko babaguhin ang lahat ,hindi ko rin alam kung paano  mabuhay ng walang nasasaktan o naaagribyado. Pinilit kong mabuhay ng payapa at walang nasasaktan, lagi akong humihingi ng tawad sa Panginoon sa mga sala na aking ginawa,dahil alam kong hindi nya ako pababayaan.

                        Pero bakit ba hindi natin mapigilan ang diskriminasyon? Bakit nga ba ? Sa aking sariling karanasan, ako’y naging mapanghusga dahil sa mga maimpluwensyang mga tao sa aking paligid at ang media. Masaya ako sa mga taong malalapit sa akin kahit na hindi ko alam kung makakabuti o makakasama ba sila sa akin. Isa na rin ang media na syang nag udyok sa akin na mabuhay sa mundo ng diskriminasyon. Ano nga ba ang dapat nating gawin upang mapigilan ang diskriminasyon? Alam kong naghahanap ka rin ng kasagutan sa katanungang ito, at ang tunay na makakaalam ng kasagutang ito, ay IKAW ! Ikaw ang pumili kung sino ka, Ikaw ang nagdesisyon kung saan ka nararapat, at tanging ikaw lamang ang babago kung anong klaseng pamumuhay ang gusto mo. Sa mundo ng diskriminasyon, kailangan mong magiging matatag, huwag kang maging duwag dahil Ikaw lamang ang makakatulong sa sarili mo , matuto kang tumayo sa sarili mong paa at huwag mong kakalimutan na kaakibat mo ang Diyos sa bawat hamon ng iyong buhay.

                        Lahat ng tao ay ipinanganak na Malaya at may pare-parehong dangal at karapatan. Tayo ay binigyan ng budhi at kakayahang mag-isip at dapat makitungo sa isa’t isa. Hindi man natin mapigilan ang diskriminasyon, pero madaming paraan para mabawasan ito, at ito ay magsisimula sa IYO.

                        Isa ka rin ba sa kanila?